کاش آج کوئی حبیب جالب ہوتا! - محمد اکرم چوہدری

کاش آج کوئی حبیب جالب ہوتا!!!!!!!

شاعر عوام، شاعر انقلاب حبیب جالب کا یوم پیدائش گذرا ہے کل ان کا یوم پیدائش تھا آج عالمی کپ انیس سو بانوے کی سالگرہ ہے۔ آج کے روز پاکستان نے پہلی مرتبہ ون ڈے ورلڈکپ جیتا اس وقت قومی ٹیم کے کپتان عمران خان تھے وہ آج پاکستان کے وزیر اعظم ہیں۔ کرکٹ کا عالمی کپ جیتنے کے بعد عمران خان نے شوکت خانم کینسر ہسپتال قائم کیا، سیاسی جماعت بنائی اور وزارتِ عظمیٰ کے عہدے تک پہنچے اس کے بعد کیا ہوا وہ آپ کے سامنے ہے۔ آج صرف عمران خان ہی نہیں، میاں نواز شریف، آصف علی زرداری، مولانا فضل الرحمٰن سمیت تمام سیاستدان بہت خوش قسمت ہیں کہ آج کوئی حبیب جالب نہیں ہے، آج کوئی شاعر عوام نہیں ہے، آج کوئی شاعر انقلاب نہیں ہے ورنہ عوام کا مقدمہ ایسے انداز میں پیش ہوتا کہ حکمرانوں کی نیندیں حرام ہو جاتیں۔ حبیب جالب ہر دور میں حکمرانوں کے ناپسندیدہ رہے، وہ فوجی حکمرانوں کے دور میں بھی ناپسندیدہ تھے اور سیاسی حکومتوں کے دور میں بھی ناپسندیدہ تھے۔ وہ کسی سے بھی خوش نہیں تھے کیونکہ حکومت میں آنے سے پہلے یا حکومت میں آنے کے فوری بعد کے بیانات کچھ اور ہوتے اور حکومت میں کچھ عرصہ گذارنے کے بعد حکمرانوں کے حالات تو بدل جاتے لیکن عام آدمی ننگے پاؤں ہی پھرتا تھا۔ مجھے وہ اس لیے بھی پسند ہیں کہ وہ جرات اظہار رکھتے تھے، جرات انکار رکھتے تھے، وہ حق بات کرتے تھے، ڈنکے کی چوٹ پر کرتے تھے، وہ حکمرانوں کو آئینہ دکھاتے تھے، وہ تعلقات بنانے کے لیے شاعری نہیں کرتے تھے بلکہ اللہ تعالیٰ نے جو نعمت انہیں عطاء کی تھی وہ اس نعمت میں کوئی خیانت کیے بغیر اسے عوام تک پہنچاتے تھے۔ کوڑے کھائے، ڈنڈے کھائے، بدسلوکی برداشت کی، جیلیں کاٹیں لیکن حق کا راستہ نہ چھوڑا، سچ کہنے سے باز نہیں آئے، گھبرائے نہیں لڑکھڑائے نہیں۔ مشکلات کا سامنا کرتے رہے اور عوام کا مقدمہ لڑتے رہے۔ جن لوگوں نے انہیں دیکھا ہے یا ان کے ساتھ کام کیا ہے، یا انہیں مشاعرہ پڑھتے سنا ہے وہ تو حبیب جالب کی جرات، بہادری اور حق گوئی کو کبھی نہیں بھول سکتے۔ درحقیقت ادب، سائنس، تعلیم سے تعلق رکھنے والے ہیروز کو ان کا جائز مقام نہیں مل سکا۔ یہ ہمارے رول ماڈلز تو ہیں لیکن صرف جلسوں کو گرمانے کے لیے، الفاظ کو بڑھانے اور گفتگو میں وزن پیدا کرنے کے لیے ہم نے انہیں عملی زندگی اور نوجوانوں تک ان کا پیغام پہنچانے اور ان کی زندگی کے فلسفے کو آگے بڑھانے کے لیے کام نہیں کیا۔ یہ سستی غفلت ہے اور اس غفلت کی وجہ سے ہم نے نوجوان نسل کو حقیقی پیغام اور بہترین طرز زندگی سے محروم رکھا ہے۔ بہر حال آج جالب صاحب کو یاد کرنے کا دن ہے۔

گلبدین حکمت یار کی منصورہ آمد اورگفتگو

میں قائد عوام ہوں

جتنے میرے وزیر ہیں سارے ہی بے ضمیر ہیں

میں انکا بھی امام ہوں میں قائد عوام ہوں

میں پسر شاہنواز ہوں میں پدر بے نظیر ہوں

میں نکسن کا غلام ہوں میں قائد عوام ہوں

دیکھو میرے اعمال کو میں کھا گیا بنگال کو

پھر بھی میں نیک نام ہوں میں قائد عوام ہوں

میں شرابیوں کا پیر ہوں میں لکھ پتی فقیر ہوں

وہسکی بھرا ایک جام ہوں میں قائد عوام ہوں

سنو اے محبان وطن رہنے نہ دونگا مہکتا چمن

میں موت کا پیغام ہوں میں قائد عوام ہوں

میری زبان ہے بے کمال لڑتا ہوں میں ہزار سال

اسٹبلشمنٹ کا مطلب و مفہوم

میں اندرا کا غلام ہوں میں قائد عوام ہوں

ہیں قادیانی میری جان نہ فکر کر تو مسلمان

میں قاتل اسلام ہوں میں قائد عوام ہوں

لاڑکانے چلو ورنہ تھانے چلو

قصر شاہی سے یہ حکم صادر ہوا

لاڑکانے چلو. ورنہ تھانے چلو

اپنے ہونٹوں سے خوشبو لٹانے چلو

گیت گانے چلو. ورنہ تھانے چلو

حاکموں کو بہت تم پسند آئی ہو

ذہن پر چھائی ہو

اپنے جلووں سے محفل سجانے چلو

مسکرانے چلو. ورنہ تھانے چلو

منتظر ہیں تمہارے سپاہی وہاں

کیف کا ہے سماں

جسم کی لو سے شمعیں جلانے چلو

"قتل آم"

غم بھلانے چلو. ورنہ تھانے چلو

جالب صاحب بہادر تھے کیونکہ ان کا کوئی مفاد نہیں تھا ان کا مفاد صرف پاکستان اور عام آدمی تھا اس لیے وہ کبھی نہیں گھبرائے کیونکہ وہ دنیا میں پیسہ کمانے نہیں آئے تھے بلکہ وہ پاکستانیوں کو یہ پیغام دینے آئے تھے کہ ملک سے محبت کرو، عام آدمی اور مظلوم کا ساتھ دو حکمرانوں کا آئینہ دکھاؤ، ساری عمر انہوں نے یہی کام کیا۔